مــواطـــن مـن العريـــــش

قبل ان ابدأ وقبل كل حاجه

شكرا براء صاحب المدونه القساميه شاب مصرى وجزاكم الله خيرا على ماقدمته لنا

..........................................................................

دى اول صورة اخدتها اول ما وصلت العريش واعتذر عن عدم دقه الكاميرا
قافله من الامن المركزى فى طريقه لرفح

صوره التقطت فى الصباح الباكر قبيل تقفيل الامن لمحلات وسط البلد -شارع 23 يوليو
وبعدها تم ترحيل الاخوه الفلسطينين فى سيارات مشابهه بعد تجميعمهم فى مناطق كثيره ككتل بشريه

دى صوره للجيش المصرى

ايوة الجيش المصرى...متستغربش...... فى ناس كانو جايين من المنطقه المركزيه (القاهره) بالاضافه لقيادات من الجيش التانى الميدانى

الجيش ده اخر مره كان هنا ايام 76 مش 73 لأنه فى 73 كان اخره بعد قناه السويس بكام كيلو

ياااااااااااااه اخيرا افتكرتو ان فى حته اسمها سينا

كنتو فين ايام ما اليهود كانو على الحدود وكل يوم بيقتول اتنين من الامن المصرى هناك

ولا خلاص اليهود تركوا الحدود وجيه شويه غلابه مجردين من السلاح عايزين ياكلو ويشتروا بفلوسهم ..بقى دول خلاص خطر على الامن القومى وحدود مصرالشرقيه

دى صور لمطافى الجيش

مصفحتين من الجيش برده

صوره لجنود المصفحه واعتذر ان الصور مقلوبه

وقبل ما اخلص من الجيش وبمناسبه دخول الجيش لحد رفح كان فى موقف اتحكالى اول مارحت العريش الموقف ده كان ف اوائل التسعينات ان فى ناس على الحدود تبع الجيش بس افراد قليله مع الداخليه المصريه لمراقبه الحدود المهم كانو عايزين يقبضوا الراتب بعد ما اتأخر اسبوع وكانوا تبع قياده الجيش التانى الميدانى ، قام راح السيد قائد الجيش بعت عربيه جيب بتاعت الجيش وركب نمر ملاكى وراح ادى للناس مرتباتهم رجع الجيش لقى العمليه مقلووبه وفى حاجه مش مظبوطه ، حصل ايه اسرائيل اعتبرته خرقا لكامب ديفيد قامت بعتت طياره صورت سيناء ورجعت تانى لقواعدها سالمه وكان ردها واحده بواحده

..........................................

خلاص خلصنا من الجيش نييجى بقى للداخليه بغبائها المعهود مع المصريين وغير المصريين من السودانين فى ميدان مصطفى محمود او الفلسطنين فى معبر صلاح الدين

تكالبت كل مديريات الامن لإنقاذ موقف مديريه امن شمال سيناء المحرج امام السيد وزير الداخليه وطبعا بأمر منه

واذكر منها على سبيل المثال وليس الحصر
مديريه امن العاصمه والجيزة واسكندريه ...دول 3 اهم مديريات امن

ومن الصعيد مديريه امن بنى سويف

مديريه امن الشرقيه:- واختصت بالمرور فقط وسحب سيارات الاخوه الفلسطنين الى اماكن غير معلومه وبدون اى اذن استلام مما يسهل سرقتها ان لم يكن هذا هدفها للتضييق على الاخوه الفلسطنين

مديريه امن اسماعيليه الشقيقه:- والتى انقسم افراد قواتها لجزأئين جزأ فى العريش لمسانده مديريه امن شمال سيناء والجزأ الاخر عند الكوبرى لمنع دخول البضائع والمعونات لمحافظة شمال سيناء ومنها الى الضفه الاخرى للوطن

والجزأ الاخر عند كوبرى السلام بعد منع كاااااااافه البضائع التموينيه وكافه السيارات المحمله بالمعونات الى غزة وتم احتجازها من يوم الاثنين حتى الان وان كنت اعلم انه لن يفرج عنها الا اذا قرروا العوده من حيث أتوا

مديريه امن دمياط:- كانت تتناوب مع الشرقيه واسكندريه فى مرور المحافظة

كم كنت اود ان أرى بدلا من سيارات الامن سيارات اسعاف لنقل المرضى الفلسطنين الذين تواجدو امام مديريه الامن بالايام حتى تنتهى الروتينيات المصريه المعهوده

ودى صورة لسياره مديريه امن اسماعيليه فى وسط البلد فى العريش

ده قسم ثان العريش واحتجز سيارات بضائع كثيره يوم الاحد اما قسم أول اختص بالبضائع التموينيه لسعه الجراج خلفه

ده جزأ بسيط من القوه الى قفلت البلد فى البدايه خالص واعتذر عن عدم اعتدال الصوره

يمكن دى اكتر صوره أتاثرت بيها

دى صوره لعربيه الداخليه بس النوع ده خاص وحصريا لمديريه امن شمال سيناء

فاكرين ف 73 اما كانو بيدمروا دبابات اليهود ويلاقوها عامله 225 دى المسافه من فلسطين والقنطره شرق ايام الجسر الجوى الامريكى لمسانده اسرائيل
العربيه دى بأه اتحدى انها تكون عملت 500كم طبعا ده الجسر الجوى بتاع حبيب العادلى
شوفتوا قلة الادب العربيه لسه جمارك ومترخصتش

يانهار ابيض هى الداخليه جبانه اووى كده ، لم يكفيها سيارات 19 مديريه امن ،،تقوم تيجى وتستورد عربيات وجمرك القاهره يعنى احتمال

تكون جايه بالطياره عشان الفلسطنين

شفتو بقى الداخليه غلبانه ازاى

دى بدايه التقفيل منهم لله

بدأ السيد رئيس مباحث امن الدوله بالمرور بنفسه على المحلات وقال كام كلمه كده يخوف بيهم الناس صحاب المحلات ، منهم اللى هيفتح هفتحله ملف امن دوله وغرامه 10000 ويبقى يقابلنى لو عرف يفتح محله تانى

.................................................

الحدود المصريه الفلسطينيه

علم فلسطين يرفرف على الحدود

مش عارف الناس متضايقه ليه(خصوصا وائل عباس وجريده الاهرام) ان علم فلسطين مرفرف على ارض مصريه(فى مدينتى رفح والشيخ زويد) ..اللى رفع الاعلام دى مصريين من اصل فلسطينى وعايشين فى رفح

لو كنت أملك علما فلسطينيا لرفعته براقا أمام ان لم يكن من باب عشقى لتراب فلسطين فمن باب الوحده

تذكرت جمله لياسر عرفات عندما رأيت علم فلسطين مرفرفا

سياتي يوم ويرفع فيه شبل من اشبالنا او زهرة من زهراتنا علم فلسطين فوق اسوار القدس ومآذن القدس وكنائس القدس ...يرونه بعيدا ونراه قريبا

صورتبرز كم المعاناه من نقل البضائع من مصر الى قطاع غزة

الطرق والبيوت فى رفح المصريه وقطاع غزة تتشابه ملامحهما الا انى عندما رأيت هذا المنزل بدأت أشعر انه حقا ثمه فرق

فى الطريق الى جباليا

الطريق كان زحمه بس لمده خمس دقايق بس والطريق فتح على طول عشان كان فى حادثه

طبعا ده لو فى مصر ابقى قابلنى

سبحان الله نظام حتى فى اوقات المحن

ضـــــــــــــــــــــــاعت الخلافه فاعملوا لإعادتها

من احدى المناطق الدفاعيه التابعه لحماس

تـلك ملامـــــحــــنا

الصوره دى عند الموقف الرئيسى فى مدينه العريش

تخيلو ...السواق الى واقف ده بينادى غزه غزة
قلت يااااااااااااااااااه لو حدود الوطن كلها كده

الصوره دى برده فيها ملامح من ملامح الوحده

دى عربيه ارقامها فلسطينى وبجوارها عربيه بلوحات القاهره

أنابوليس............وشعارات لا تنتهى

مهما حاول الاعلام المصرى والعربى والمضللين ستبقى

حماس فى القلب

ذكريات ابناء فلسطين على شاليهات العريش...منطقه البحر

اضغط هنا
............................
الحدود

ملف1

ملف2
......
احدى مصفحات الجيش

صوره 1

صورة2
...........
صورة لاحدى المستشفيات
...........

حماس على جدران جباليا
...........

العلم الفلسطينى على الحدود
...........
فيديو وانا واقف على الجدار الفاصل

اضغط هنا
فيديو لسيارات الامن المركزى وهى ذاهبه لرفح والفيديو التقط من امام المحافظة

اضغط هنا
.......
افراد من الجيش المصرى عند البوابه الشرقيه..ملف فيديو

اضغط هنا

..............
الامن المركزى ف وسط البلد ....ملف فيديو

اضغط هنا
...........

صورة رائعه من رفح تبرز ملامح المعاناه الفلسطينيه
واذكركم بقول الله عزوجل (((فصبر جميل)) وغدا أفضل مع حماس

كانت غزة أيضا قضيتهم

هنـــــا غزة.....نهى الزينى

العائد من غزة

حمــــاس.. قولوا بالله عليكم.. من اى صنف أنتم من بني البشر؟؟

أحمد عبدالفتاح يحكى عن رحلته

نفس الموال بتاع كل سنه
ونفس الموظفه الى بتقول معلش يابنى دى اوامر جايه من الامن وكان على عينى

ونفس الطلاب بتوع الاتحاد المعين السنه دى بتوع السنه اللى فاتت
ونفس العميد الى بيقول عايزين ايه
ونفس المظاهره بنفس اللافتات ونفس الطلاب
ايوه هما هما الطلاب بتوع كل سنه باصرارهم وعزيمتهم اللى بتتجد كل سنه
وبرده نفس الطلاب الى لسه واقفين فى مكانهم وبيسألوا نفس السؤال .....هى المظاهره دى ليه

ونفس الرد ...عشان تعيين الاتحاد

ونفس البرود....اتحاد ايه

ونفس العيال اللى بتلعب كوره واستغمايه..ونفس عم روميو وست جولييت الى قاعدين فى الجنينه

ونفـس الســلبيـــه

بس برده المظاهره ماشيه

ماشيه ونفس العربيه بتاعت الامن ماشيه وراهم

بنفس البلطجية بتاعتهم

و.....نفس الموال الحمضان
.....

.....

وبرده هنكمل

بس برده ماضاع حق وراءه مطالب