Sunday, September 24, 2006

الحمد لله الريس رجع فى كلامه




الحمد لله......... أسوأ خبر سمعته انه ساعدته هييجى العريش وأحسن خبر انه رجع فى كلامه ،، عامه العريش نورت من تانى ويارب ما ييجى خااااالص وكل واحد ليه عذره برده ياجماعه

Saturday, September 23, 2006

مواطن من العريش

بسم الله الرحمن الرحيم
اليوم السبت 23 سبتمبر أكثر الأيام شؤما على كافة أهالى العريش ورغم انى على حد علمى أعرف ان اليهود لا يقومون بأية اعمال يوم السبت الا ان السيد الرئيس المحترم خالف كل عاداته وتقاليده وسيذهب فى زياره مفاجئة جدااااا للعريش ، ولم تنوه عنها أى صحيفه قوميه او الكترونيه عنها حتى الآن ،رغم انه لم يتبقى سوى ساعات قليله ويهبط علينا السيد المحترم بطائرته الخاصه فى مطار العريش فى سابقه هى الأولى من نوعها ، وعلى الرغم من ان الزياره تحمل أسئله كثيره جدا ،خاصه فى السرعه التى تمت بها، إلا اننى لا اريد ان اتكهن بأى أسباب حاليا (ياخبر دلوقت بفلوس بكره ببلاش) الا ان المتفق عليه انه لا احد يرحب بالزياره للمحتل الجديد
.....
سيدى الرئيس لقد كانت سيناء منذ ان حررناها أرض طاهره وأحب البقاع الى قلبى الا انها من اليوم ستطأها قدم نجسه ويد آثمه أغتالت أعتقلت العديد من مجاهدى سيناء
سيدى الرئيس لا تهتك عرض سيناء بزيارتك المشؤمه
انا مواطن من العريش حد عارف يعنى ايه اصلا مواطن من العريش
مواطن من العريش يعنى مواطن درجه تانيه اوحتى تالته لأنه مفيش حد من العريش او سيناء عامه يستطيع ان يلتحق بأى كليه عسكريه او شرطه او وظيفه مرموقه بحجه ان انتمائتهم لليهود ،ده غير معاملة امن الدولة ليهم فى المحافظات الأخرى وبالأخص القاهره
مواطن من العريش هوه المواطن الوحيد الى فى الدوله الى مظلوم من الحكومه والشعب لأن الشعب صدق الحكومه ان احنا تجار مخدرات وحشيش و.... وعملاء لليهود،مع العلم ان اكبر تجار المخدرات أصدقاء مدير مكتب المكافحه والأدله كثيره سوف ننشرها فيما بعد
الأسئلة التى زرعها النظام الحاكم فى أذهان الشعب المصرى الغلبان التى تخص انتماء اهالى سيناء لليهود هى أسئله لا تهدف الا للتفرقه العنصريه بين شعب مصر وأهالى سيناء كما فعل مع الأقباط واهالى الصعيد
لكنها أفكار مسمومه وقد صدقها الشعب المصرى الغلبان، للأسف لأنه أًصلا شعب مغلوب على امره اللهم الا فئه قليله جدااااااااا منه
لكن الحقيقه ان احنا الى حررنا سيناء، والبدو الى مات ناس منهم فى الحرب كان بإرادتهم، ولم يكونو موظفين وقتها فى الطيران
الغريب انه مفيش أى سبب معلن حتى الآن للزياره ومفيش طبعا مشروعات يفتتحها الا جامعه سيناء الخاصه لأن العريش كلها اتخصخصت لحسن راتب الى المفروض انه رئيس جمعيه مستثمرى سيناء الذى سوفنتحدث عنه كثيرا
للعلم حسن راتب ده صاحب أكبر شركه أرسلت اسمنت لبناء الجدار الفاصل ((أسمنت سيناء)) وللأسف يحمل اسم سيناء.
ممكن ييجى علشان ممكن يكون سعادته فاكر ان ابناء العريش ممكن يتفرجو على مسرحيه التوريث الهزيله ومش بعيد يعلنها من هنا فى العريش
وفى النهاية أود أن أشير ان انا هذه المدونة لسه عاملها دلوقت قبل زياره ساعدته بساعات قليله عشان الناس تقدر تعرف انه لا يزال بقعه من أرض مصر وأغلى حته مصر كلها لسه محتله
للتواصل
محمد يوسف