انتخابات اتحاد الطلاب

نفس الموال بتاع كل سنه
ونفس الموظفه الى بتقول معلش يابنى دى اوامر جايه من الامن وكان على عينى

ونفس الطلاب بتوع الاتحاد المعين السنه دى بتوع السنه اللى فاتت
ونفس العميد الى بيقول عايزين ايه
ونفس المظاهره بنفس اللافتات ونفس الطلاب
ايوه هما هما الطلاب بتوع كل سنه باصرارهم وعزيمتهم اللى بتتجد كل سنه
وبرده نفس الطلاب الى لسه واقفين فى مكانهم وبيسألوا نفس السؤال .....هى المظاهره دى ليه

ونفس الرد ...عشان تعيين الاتحاد

ونفس البرود....اتحاد ايه

ونفس العيال اللى بتلعب كوره واستغمايه..ونفس عم روميو وست جولييت الى قاعدين فى الجنينه

ونفـس الســلبيـــه

بس برده المظاهره ماشيه

ماشيه ونفس العربيه بتاعت الامن ماشيه وراهم

بنفس البلطجية بتاعتهم

و.....نفس الموال الحمضان
.....

.....

.....

وبرده هنكمل

بس برده ماضاع حق وراءه مطالب

وسيزيدون رغم انف الحاقدون

وشارك اعضاء هيئه التدريس فى المسيره

طبعا الامن لازم يشارك

بعربياته

وبلطجيته...وعم تختخ..ابو سحلولنفس البلطجيه بتوع كل سنه

انا رفعت المسيره فيديو على يويتب بس هحط اللينكات بس علشان الصفحة متتقلش

file 1

http://www.youtube.com/watch?v=vp-C4X-MkQ0

file 2

http://www.youtube.com/watch?v=SNjkeDiR1Ss

file3

http://www.youtube.com/watch?v=7f3P8U0TuqA

and this link from other one

http://www.youtube.com/watch?v=fL4T6a45DeM

خلصت خلاص المسيره

والنتيجة زى كل سنه

فصل ...تحقيق..اعتقالات

ويارب دى اخر سنه ليا فى الكليه

يارب اشوف حاجه اتغيرت قبل ما امشى

احداث العريش

انتهت الاحداث ولكن

لم تنتهى المشكلة بين الامن والمواطنين

ولم تنتهى سيطره البدو على طريق وسط سيناء

ولم ينتهى اضطهاد الامن لهم

ولم تعد العريش كما كانت

ولم تنتهى الاعتقالات

والمشاكل الامنيه والخلافات القبليه

ثم تأتى التصريحات بأننا السبب فى كل هذا

من ارشيفنا

احتفالات العريش بالتحرير
وكــــأنها مطـــــالب
لو نظرنا الى مطالب بدو سيناء ستندهش لأنها ليست مطالب لأنها حقوق والحقوق تنتزع ولا تستجدى
تحديد موعد زمني لا يزيد عن خمسة عشر يوما لتنفيذ مطالب أبناء سيناء والمتمثلة في الآتي
معاملة أبناء سيناء كمواطنين مصريين
خروج جميع المعتقلين على خلفية أحداث طابا وشرم الشيخ
إعادة محاكمة المتهمين في أحداث طابا وشرم الشيخ أمام قاضيهم الطبيعي
تقديم المسئولين عن جرائم القتل للمحاكمة
مراجعة الأحكام الغيابية المعلقة
حل مشكلة عدم الاعتداد بالملكية حلا جذرياً

file 1

http://www.youtube.com/watch?v=1rEsno4v3sU

file2

http://www.youtube.com/watch?v=Sr2nLRGnjws

file3

http://www.youtube.com/watch?v=woP3IpfaA6I

from other bloggers

http://www.youtube.com/watch?v=1oFsNoaILAM

http://www.youtube.com/watch?v=kB_rZh7BRyM

الصوره امام مقر الحزب الوطنى

ويبقى النفاق سيد الاخلاق

رمضان كريم

اعتذر عن التوقف عن التدوين خلال شهر رمضان الكريم

وتقبل الله منا ومنكم
ولى رساله ارسلها...بمناسبه رمضان.. الى

النظام المصرى كله
والسيد الرئيس
وحبيب قفا الملايين :- حبيب العادلى
اللهم انى صائم
ولنا لقاء بعد العيد ان شاء الله

انقــذوا رفح....ومأساه العالــقــين

بعد زياره ابو الغيط المشومة لإسرائيل ...تهديدات بإزاله مدينه رفح المصرية

تقوم الان قوات الأمن المصريه بتهديد مئات الأسر المصريه الذين تقع منازلهم على الحدود فى رفح بين مصر وفلسطين ، يأتى هذا فى سياق ترحيل الحدود لمسافه 300 من أجل تأمين الحدود لإسرائيل ومنع تهريب الأسلحه للأخوه الفلسطنين
وفى الاطار نفسه قامت اسرائيل بعمل ممر مائى موازى للحدود من الجهه الأخرى دون ان تستشير مصر ولعلى اعتقد ان مصر لو علمت لكانت ستمدها بما تريد من المواد كما فعلت فى بناء الجدار الفاصل بمساعده مصريه
جاء ذلك بعد الزياره المشئومه الأخيره لوزير خارجيتنا احمد ابو الغيط لإسرائيل ، والتى قد تؤدى لإزالة المدينه التاريخية رفح
الجدير بالذكر ان هناك وفد امريكى قد جاء فى زياره سريه للحدود منذ ثلاثه اسابيع لدراسه الموقف عن كثب
وقد انتفض اهالى رفح ما بعد ظهر اليوم واشعلوا النيران فى الاطارات المطاطيه بعرض الطريق الدولى المؤدى للمعبر الحدودى وذلك ضد قرارات تتعلق بازاله مسافه تتراوح 300 مترا موازيه للحدود وقد سارعت القوات الامنيه الى المكان وطالبت الاهالى بالانصراف ورفض الاهالى الا بعد تحقيق مطلبهم وطمأنتهم من قبل المسؤلين بعدم تنفيذ قرارات تؤدى الى تشريدهم والى نهايه مدينه رفح الحدوديه وانصرف الاهالى بعد ان وعدهم مسؤل امنى كبير ببحث مطالبهم وقد اكد الاهالى على انهم سيعيدون الكره مره اخرى يوم

الاحد القادم اذا لم تنفذ المطالب

************************************************************

مشكلة العالقين الفلسطنين على الحدود المصرية فى رفح
مأساه اخرى لشعب فلسطين فى مصر
بـيــان اللجنة المصرية الفلسطينية لحق العودة نريد العودة

.. لماذا نحن عالقون ؟ لن نقبل جميعاً أن تبدأ مأساة أخرى بعد اللاجئين ثم النازحين والأن العالقين اننا نرى اننا أصبحنا فوق ذلك رهائن المصالح السياسية الضيقة المتصارعة من أجل أوهام سلطوية ذاتية لا ناقة لنا فيها ولا جمل بل اننا نرى اننا ضحية لذلك كله .. والا فلماذا نحن عالقون انه السؤال الذى لا نجد له اجابة من اى جهه .. هل هذه هى نتيجة الانتفاضة العظيمة التى كنا وقودها وصادرنا غيرنا لصالحه هو .. هل سنظل رهينة اتفاقات ومؤامرات تحاك هنا وهناك على حساب حق العودة ليس لأرض 48 بل أصبح للأسف لأرض غزة نفسها .. هل ننتظر مخيم آخر يضاف لمئات المخيمات وهذه المرة للعالقين هل نرضى بأن يظل المنفذ الوحيد بيننا وبين أشقاءنا المصريين مغلقاً للأبد إننا نتحمل كل شئ وهذا ليس غريباً علينا ولكننا لا نتحمل نزوحاً جديداً بعد الأن ومع كل تقديرنا لجهد الأخوة المصريين فى اقامتنا ولكننا لا نريد سوى العودة .. سوى فتح منفذ رفح .. بلا ثمن ولا مقابل .. أى اننا ايضاً لا نقبل العودة من أى مكان أخر ليكون على حساب اسر أو منع أى فرد منا ..كما نطالب أهلنا فى غزة بالمبادرة الشعبية معنا وعمل لجان شعبية للعودة مثلما نفعل هنا مع اخواننا المصريين . العودة .. العودة .. العودة...مطلبنا الوحيد الأن وليس غداً
ملحوظة :- نقل البيان لا يعبر بالضروره عن رأييى الشخصى

--------------------------------------------------------------

شكر لصاحبه مدونه صبرا ستمضى المحن على هذا البانر الرائع

--------------------------------------------------------

صور من مأساه العالقين فى رفح

وفى النهايه قد يستغرب البعض من العنوان( بعد زياره ابو الغيط المشومة لإسرائيل ...تهديدات بإزاله مدينه رفح المصرية) ويقول يانهار ابيض علشان 300 متر ولا 500 متر يبقى كده هيزيلو مدينه بحالها ...دى المدونات بتكبر وتهول الموضوع وهى الحكايه 300 متر

اه فعلا هما 300 متر وبكره يزودوها 3 كيلو وبعدين 5 وبعدين ترحيل سكان مدينه رفح لمدينه الشيخ زويد (مدينه تسبقها ب14 كم

وبعدين يدخلو على العريش ،واحنا عارفين انه لا امان لليهود ولا لحكامنا برده

--------------------------------------------------------