Monday, April 07, 2008

بحبك يا محله

ياجماعه ف كل حته في الحلو والوحش .. ايه يعني مدرسه اتحرقت ،وقفلو كل شوارع البلد، وحرقو محلات اشرف البغل(احدي قيادات الوطني ف المحله) وايه يعني يحرقو مداخل ومخارج الشوارع
بس في نقطه احب اوضحها..ان محدش كان بيسرق.... واللي شفته فعلا عند مدرسه طه حسين (اول حاجه اتحرقت) ان الناس كسرت البوابه وحرقوا كام خشبه سدو بيها الطريق اللي قدام المدرسه
وبعدها دخل شباب كتير المدرسه اخد الكراسي والتخت والكمبيوترات وكل حاجه ، بس كانوا بيحطوها في النار مش ف جيوبهم
وحصل مره ان واحد اخد شاشه كمبيوتر الناس قالت( حرامي....حرام )قام رجع ورمي الحاجه ف النار، وده مينمعش انه حصلت حالات سرقه بس قليله جدا لأن طبعا المحله ومصر كلها لاتخلو من شويه حراميه ومن الطبيعي برده ان
الحرامي مش هيتوب دلوقتي
‏ دوافع التخريب
مش عارف انا ايه الناس الاشتغاله ومعظمهم اعلاميين كبار اللي المفروض يبقو فاهميين ، دلوقتي ييجو ويقولو ان دي حركه منظمه والتخريب منظم ، وفي ناس وراه اندست وسط المتظاهرين
الكلام ده علي اساس البشريه دي لاقيين شغل والشباب متجوز والحياه لونها بمبي دي ناس غلابه .. حرام عليكو .. فوقو بقي هتبقو انتو والحكومه عليهم ذنبهم ايه ... ناس حبت توصل رساله ..... وعملو اضراب سلمي، وقفلو محلاتهم عشان الاضراب مش خوف من الاضراب
..وبعد كل ده تقوم الحكومه والاعلام تقول مفيش اضراب حصل والمحله هاديه والمكن داير ف المصانع والناس ماشيه في الشارع وهما عايشين وسط القنابل المسيله للدموع والرصاص المطاطي
الناس اتظلمت لما قالت لأ كفايه والحكومه خلتها اه وسمعا وطاعه كل ده ومش عايزنهم يوصلو الرساله بأي طريقي حتي لو حرقو المنشآت الحكوميه......أأقل واجب يعني
عارفين المهزوم خالص وبيطلع لسانه وبيقاوح ويقول هه انا كسبتك يا خايب .. هي الحكومه كده وكان الرد الطبيعي خلاص هنعلمك الادب ..وهنوصل الرساله بالعافيه لأن انتو مرضيتوش بالذوق
...بس ده برضه ميمنعش ان الامن بحقارته المعروفه ..استغل الموقف وزاد الطين بله ..وبرده لو فى حاجه اتنظمت
قبلها ..كانت بس اشعال الفتيل
‏ تنويه هام جدا
العريش كان ليها سبق في الموضوع ده ايام احداث الفواخريه وشارع وسط البلد
اضغط هنا لمشاهده احداث العريش



ده ملف مضغوط رفعته على الفور شيرد فيه اكتر من 30 صوره..... اضغط هنا
ملفات فيديو
الملف الأول : فيديو من داخل مدرسه طه حسين
http://www.4shared.com/file/43268301/96256499/__online.html
الملف الثانى : فيديو من خارج مدرسه طه حسين
http://www.4shared.com/file/43268721/a31aaec7/__online.html
ملف10
الملف ال11

الملف ال12

http://www.4shared.com/file/43270903/8d68813c/8_online.html

الملف الاخير:- فيديو لكوبرى المشاه

http://www.4shared.com/file/43265790/c5839f47/ELKOBRY.html?dirPwdVerified=678bc0ee
ملف فيديو وصور لأحداث المحله
http://www.4shared.com/file/44120906/76d1b6e3/_4__.html?s=1
صوره للناس محاصره عربيه الامن والعسكرى ده قعد يلطم بعدها





ده المفروض انه كوبرى مشاه ..وكان عليه قوات مكافحه الشغب طول النهار بس الاهالى خلاهم يجروا وينزلو من الكوبرى وبليل حرقوه لأن الامن كان بيرمى من عليه قنابل مسيله للدموع على الاهالى فى البيوت







معلش ياساويرس( تعيش وتاخد غيرها ) دنيــا


دى عند محلات البغل

ودى عند منطقه الشون




ودى ووانا واقف فى الحوش بتاع المدرسه

ودى من بره صور المدرسه



احدى القنابل المسيله الدموع التى القاها الامن على سطح البيوت من كوبرى المشاه اللى دمروه الاهالى باليل ...المشهد ملتقط من الفيديو ال11